Wasaaradda A/Gudaha oo beenisay magacaabista Agaasimaha guud

Wasaaradda rrimaha gudaha iyo federaalka dowladda Soomaaliya ayaa wax kama jiraan ku tilmaantay magacaabista la isla dhex-marayo ee ku aaddan Agaasimaha guud ee wasaaradda arrimaha gudaha iyo federaalka dowladda Soomaaliya

Warar Keydmedia Online
27 January 2021

MUQDISHO, Soomaaliya - Wasaaradda arrimaha gudaha, federaalka iyo dib u heshiisiinta dowladda Soomaaliya ayaa war qoraal ah oo ay soo saartay ku beenisay faafin kasoo baxday wasaaradda arrimaha gudaha taasoo lagu sheegay in la magacaabay Agaasimaha Guud ee wasaaradda.

" Ma Jiro War Rasmi ah oo kasoo baxay Xafiiska Wasiirka Wasaaradda Arrimaha Gudaha, Federaalka Iyo Dib-u-heshiisiinta iyo guud ahaan Wasaaradda oo la xiriira magacaabid Agaasimaha Guud ee Wasaaradda" ayaa lagu yiri warka oo lagu daabacay bogga rasmiga ah ee wasaaraddu ku leedahay Facebook -ga.

Waxaa la is dhaafsanayay farriimo loogu hambalyeenayo Rooble Dahir oo ka mid ahaa Saraakiisha sarsare ee Wasaaradda Arrimaha gudaha, fedelka iyo dib-u-heshiisiinta oo sida la sheegay loo magacaaby Agaasimaha Guud ee Wasaaradda.

Roble waxaa lagu sheegay in uu ka soo shaqeeyey arrimaha dib-u-heshiisiinta, wuxuuna kaalin muhiim ka qaatay nabadeynta Gobolka Mudug gaar ahaan Magaalada Galkayo.

Hayeeshee qoraal uu ku saxiixan yahay Agaasimaha waaxda xiriirka iyo warbaahinta ee Wasaaradda arrimaha gudaha, federaalka iyo dib-u-heshiisiinta dowladda Soomaaliya Mohamud Adan Mumin ayaa lagu beeniyay magacaabista Agaasimaha guud ee Wasaaradda

KEYDMEDIA ONLINE