Wasaaradda caafimaadka oo soo saartay warbixinta Covid19 ee dalka

Wasaaradda Caafimaadka Dowladda Federaalka Soomaaliya ayaa faah faahin ka bixisay kiisaskii ugu dambeeyay ee kasoo kordhay Caabuqa Covid19.

Warar Keydmedia Online
12 February 2021

MUGDISHO, Soomaaliya - Caabuqaan saf marka ah ayaa malmihii la soo dhaafay si xowli ah u soo laaba kacleeyay Wasaaradda ayaana soo bandhigtay xogtii ugu dambeeyay ee Xaaladdaha soo kordhay.

Warbixinta COVID-19, ee maalinkii shalay 10th February ayay wasaaraddu ku sheegatay in dadkii la baaray Laga Helay 28 qof oo 27 ka mid ah ay joogaan Muqdisho, hal qofna ku sugan yahay HirShabaeelle, labo qof ayaa shalay u geeriyootay cudurkaan, waxaana guud ahaan dalka laga helaya  5,013 qof, kuwaas oo 3,733 ka mid ah bogsadeen halka 144 u geeriyoodeen.

War ka soo baxay Wasaaradda ayaa lagu yiri, “Si aan u yareeyo halista faafidda Xanuunka Covid1-9 Fadlan aan dhamaanteen joogteyno Xirashada Afxirka gaar ahaan Xiliga Kulamada, Inta aad kujirto Gudaha Gaadiidka Dadweynaha, marka aad joogto Suuqyada Iyo Goobaha Kale Ee Dadku Isuga Yimaadaan”.

KEYDMEDIA ONLINE