Wasiir Bayle iyo Jamaal oo kulmay

Wasiirada Maaliyadda iyo Qorsheynta ee Xukuumadda Federaalka Soomaaliya Cabdiraxmaan Ducaale Bayle iyo Jamaal M Hassan ayaa kulan ku yeeshay magaalada Muqdisho iyagoo ka wada hadlay Barnaamijka horumarinta Qorshaha Qaranka

Warar Keydmedia Online
27 March 2021

MUQDISHO, Soomaaliya - Mas'uuliyiinta ugu sarreysa labada wasaaradood ee Maaliyadda iyo Qorsheynta iyo xiriirka Caalamiga ah ayaa kulan ku yeeshay xafiiska wasaaradda Maaliyadda ee magaalada Muqdisho.

Labada mas'uul ayaa waxay ka wada hadalneen mudnaanta maalgelin ee uu leeyahay Barnaamijka loogu magac daray Horumarinta Qorshaha Qaranka ee 9-aad. (NDP9)

Hay'adaha Bankiga adduunka iyo tan lacagta ee IMF -ta ayaa labadaba waxay dowladda Soomaaliya la saxiixdeen barnaamijyo lagu hormarinayo dhaqaalaha umadda Soomaaliyeed iyagoo lagu jiro xilligan kala guurka ah, waxaana laga cabsi qabaa in barnaamijyadan oo dhammaantood lasaxiixay sanadkan in uu hakad ku yimaado sababo la xiriira muranka hareeyay doorashada Soomaaliya oo weli aan dhinac u dhicin.

KEYDMEDIA ONLINE