Wasiiro iyo Xildhibaanno oo qaatay Hantida Qaranka

Hanti dhowrka qaranka ayaa ku amray Wasiiro iyo Xildhibaanno caan ah inay 10 maalmood gudahooda kusoo celiyaan Gaadiid dowladda leedahay oo ay si sharci darro ah ku qaateen.

Warar Keydmedia Online
13 December 2020

MUQDISHO, Soomaaliya - Hanti dhowrka Guud ee Qaranka Maxamed Cali Afgooye ayaa ku amray 14 Mas'uul oo isagu jira Wasiirro iyo Xildhibaanno inay mudo 10 maalmood kusoo celiyaan gaadiid ay dowladda leedahay oo si sharci darro ah ku haystaan.

Xubnaha hantida qaranka si shaqsiga u isticmaalaya waxaa kamid ah Wasiirro dhawaan xilalka laga qaadey, oo uu ku jiro Axmed Ciise Cawad, Wasiirkii hore ee Arrimaha Dibadda, Wasiirkii hore Diinta iyo Awqaafta, Xildhibaan Daahir Amiin Jeesow iyo Senatar Ayuub Ismaaciil.

Waxay qaateen gaadiid nooca aan xabadda karin [Bullet-proof], oo Hanti Dhowrka sheegay in shaqsiyaadka ay ku tagri-falayaan, islamarkaana ay isticmaalayaan iyagoo aan loo ogolayn.

KEYDMEDIA ONLINE