Xaalada Janaa-cabdalle oo Deggan iyo Ciidamada oo Isku Diyaarinaya La Wareegista Kismaayo

Deegaanka Janaa-cabdalle oo loo yaqaano (Birta Dheer) waa deegaanka muhiim u ah cidii heysata Kismaayo ama dooneysa inay qabsato magaalada waayoo waxaa uu ku yaalaa wado halbowle ah oo isku xira Kismaayo iyo gobbolada Jubbooyinka intooda kale.

Janaa-cabdalle kooxda Shabaab waxaa ay ka arriminayeen ku dhowaad 4 sano, shalay ayaana laga fara maroojiyay kadib dagaallo xoogan oo ka dhacayay hareeraha deegaanka.

Ciidamada huwnata ah oo wata Taangiyo, noocyada kala duwan ee baabuurta dagaalka ayaa ka gudbay deegaanka Janaa-cabdalle iyagoo fariisimo ka sameystey meel ka baxsan deegaanka, waxaana ay Ciidamadu ku wajahanyihiin magaalada.

Xaalada wali ma dagan, waxaa muuqda jawi colaadeed, dadka qaar Ciidamada huwanta ah ee soo socda cabsi ballaaran ayay ka qabaan.

Keydmedia Online -Xafiiska, Kismaayo