24 saac kadib iyo guddiyo is garab ordaya

MUQDISHO, Soomaaliya – 24 saac kadib ayay Ra’iisul Wasaaraha Soomaaliya Xamse Cabdi Barre iyo Guddoomiyaha Gobolka Banaadir ahna Duqa Magaalada Muqdisho Yuusuf Xuseen Jimcaale (Madaale) magacaabeen guddiyo is barbar yaacaya oo la sheegay in ay ka shaqeeyaan hawlaha gurmadka ee qaraxii shalay ka dhacay KM5.

War ka soo baxay xafiiska Ra’iisul Wasaaraha ayaa lagu yiri.

Ra’iisul Wasaaraha oo ka jawaabaya baaxadda khasaaraha ka dhashay qaraxii ka dhacay Isgoyska KMG iyo mudnaanta ay leedahay in daryeel degdeg ah loo fidiyo dhibbanayaashii waxyeelladu ka soo gaartay qaraxyada, wuxuu magacaabay Guddi Heer Qaran ah oo shaqeyn doona tan iyo inta laga soo gabagabeynayo hawlaha gurmadka. Xubnaha Guddiga Gurmadka oo ka kooban 10 qofood, waxay kala yihiin sidan:

1. Dr. Cali Xaaji Aadan              Wasiirka Caafimaadka                          Guddoomiye

2. Dr. Maxamed Axmed Sh Cali              Wasiirka Amniga Gudaha                      Xubin  

3. Faarax Sheekh Cabdiqaadir  Wasiirka Waxbarashada                       Xubin

4. Daa’uud Aweys Jaamac.               Wasiirka Warfaafinta                             Xubin

5. Khadiijo Maxamed Diiriye              Wasiirka Haweenka                Xubin

6. Abshir Maxamed Axmed Wasiiru dowlaha Madaxtooyada  Xubin

7. Xirsi Jaamac Gaani Wasiiru dowlaha XRW                             Xubin

8. Yuusuf Xuseen Jimcaale Guddoomiyaha Gobolka Banaadir   Xubin

9. Maxamuud Macallin Cabdulle Guddoomiyaha SODMA                Xubin

10. Cabdulqaadir Cabdullaahi Faarax Maareeyaha  NEOC                             Xogheyn

Guddigan uu Ra’iisul Wasaaruhu magacaabay ayaa u xilsaaran waajibaadka soo socda:

1. Hubinta iyo la socodka qasaarihii ka dhashay qaraxii bahalnimada ahaa ee 29/10/2022.

2. Fidinta caawimaad deg deg ah  dadkii wax yeeladu ka soo gaartay qaraxyada.

3. Diiwaan gelin iyo baadi goobka dadka la la’yahay.

4. Isku xirka iyo isku dubaridka howlaha Gurmadka

5. Xal u helidda iyo xoojinta adeeg-yada caafimaad ee Isbitaallada Dalka

Warka ka soo baxay Guddoonka Gobolka ayaa isna lagu yiri.

Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale) ayaa Magacaabay Guddiga Gurmadka Deg-dega ee heer Gobol, kuwaasi oo ka shaqeyn doonna u gurmashada shacabkii waxyeelada kasoo gaaray weerarkii Argagixiso ee Khawaarijta la beegsadeen shacabka Muqdisho.

KEYDMEDIA ONLINE