Xulka Soomaaliya oo ku qeyb noqday waddamo adag

Ciyaarahan oo 25-ka bishan ka billaaban doona wadanka Tanzania ayaa xulka Soomaaliya wuxuu nasiib u helay inuu ka mid noqdo xulalka Group B, waxaana la filayaa in isku aadka maalmaha iyo taariikhda ay ciyaarayaan guud ahaan xulalka Bariga iyo Bartamaha Africa la soo saaro maalmaha soo socda.
 
Xulka Soomaaliya ayaa xilligan ku sugan wadanka Jabuuti, halkaas oo maalinta Sabtida ah ee soo socota uu kula ciyaari doono wadanka Ethiopia kulanka hore ee is reeb-reebka koobka adduunka ee sanadda 2014 ka dhacaya wadanka Brazil, waxaana ciyaartooyda Soomaaliya ay ku jiraan diyaar garoowgii ugu dambeeyay.
 
Qeybta A ee tartanka CECAFA waxaa sidoo kale ku wada jira xulka koobka difaacanaya ee Tanzania iyo dalalka Jabuuti, Rwanda iyo Ethiopia, halka qeybta C ay ku wada jiraan wadamada Kenya, Sudan, Malawi iyo Eritrea.
 
Keydmedia.net - Xafiiska Nairobi