Tarzan iyo Qurba Joogta Maxaa kala haysta?

By Maxamed Xaaji - Waa hagaag, waxaan Daawaday ama aan dhageystay aan iraahdee qeybo ka mid ah hadal uu Guddoomiyaha Gobolka Banaadir, ahna Duqa Muqdisho Maxamuud Axmed Nuur "Tarsan" uu ka jeediyay xaruntiisa Daraad.
Maqaallo Keydmedia Online

Sida ii muuqatay ayaa Mudane Tarsan khudbaddiisu ahayd mid ka dheer tan internetka la soo giliyay balse ahayd mid la soo jar-jaray oo la is ku keenay.Weli, sidaas ay tahay waxa ay khudbadiisu soo jiidatay guud ahaan Soomaalida Qurba-Joogtada aha ama dadka dhowaanahan loogu yeero "Dayuusbaro". 

Inta aanan laygu la dagaalin ereygaas isaga ah aan ka afeefto oo aan iraahdo anigaba waxaan ka mid ahay qoladaas inkastoo aan aanan ka mid ahayn kuwa "Qooqan" waa sida uu Mudane Tarzan hadalkiisu u dhigaye.!  Haddii aanad maqal hadalkii Tarzan waxaad ka dhageysan kartaa Halkaan: http://youtu.be/cv18zF0f4vQ
 
Waan jeclaan lahaa in aan dhihi karo Mudane Tarzan waxa uu u hadlay si ka duwan sida Siyaasiyiinta iyo dadka Hogaanka inoo ah kuwooda ugu fiican; balse, taa waxay noqoneysaa been qayaxan waayo inta badab siyaasiyiinteenu afkaa daloola: Mudane Tarzan-na ugu yaraan shalay Af intuu la ekaa ayuu furtay.!

Waa sax in Soomaalida Quruba-joogta ah ay ka dhaqan duwanyihiin kuwa Wadanka gudahiisa ku sugan -Ha yaraato ama ama habadnaatee-, Aniga halkan uma joogo in aan difaaco Qurba-Joogta. Bal in yar aan isla eegno waxyaabaha Anshax darrida ah ee ka dhaca gudaha Magaala-Madaxda taasi oo ay Qurba-Jogtu wax shaqo ah aysan ku lahayn ama aysan ahayn Mas'uuliyaddooda.
 
Waa midda koowaadee, Muqdisho waa magaalada ugu kufsiga badan guud ahaan geyiga Soomaaliya, oo waxay maraysaa xaaladdeeda in kor u kaca Kufsiga uu gaaro heer ay hay'adaha Dowliga ah sida kuwa UN-ta iyo waliba Ururada Bulshada sida Xarunta Nabadda iyo Xuquuqda Aadanah ee "Elman" ay qeylo dhaan ku aaddan kor u kaca xaaladaha kufsiga ay soo diraan.
 
Haddaba waxaa is weydiin mudan Duqa magaalada maxaa sababay in uu arin sidaas oo kale ah indhaha ka xirto oo uu ka hadlo dhalinyaro badda u dabaal tagtay? Ma waxa jira Anshax darri ka weyn kufsiga? Haddii ay jawaabtu 'Haa" tahay xaqu buu leeyahay in uu af lagaadeeyo qurba joogta anshax darrida kufsiga ka weyn noo keentay. Balse haddii ay ajwaabtu tahay "Maya" waxa ay ila tahay kufsiga iyo boobka Askarta dowladda ayaa ka muhiimsan kana degdeg mudan arinkan isaga ah maadaama dhaqanka suuban ee Soomaaliyeed iyo Diintubaay ka soo horjeedaan?

Arinka labaad ama Su'aasha labaad ee aan is weydiinayay waxay tahay? Mudane Tarzan inta uu xilka hayay markii laga yimaado in ay shabaab magaalada ka baxeen (Taana waxaa mahaddeeda iska leh ciidamada Ajnabiga ah iyo Turjubaanadooda) Mudane Tarzan muxuu ku soo kordhiyay magaalada? Ololihii Nadaafadda halkuu ku dambeeyay? Faanoolaha Cusub ee Maka Al Mukarama muxuu u dhamaan la'yahay?

Sidoo kale Duqa Magaalada waxaa uu hadda ka hor hadlay oo uu qiray in ay jirto oo illaa iyo haddana taagan ka faa'iideysiga dadka barakacayaasha ah oo maalinba maalinta ka sii dambeysa sii kordhaya oo wajiya cusub yeelanaya. Taa muxuu ka qabtay? Gabdhaha yaryar ee Qaxootiga am barakacayaasha ah ee laga ganaagcsanaaya jirkooda iyo qoysaska qalabkii iyo cunnadii loogu tala galay suuqa lagu iibanayo muxuu ka yiri duqa magaalada?
 
Haddii aan u soo laabto arinta Qurba-Joogta waxay ku wacnaan lahayd in arimaha muhiimka ah sida hubka aan sharciyeysneyn iyo sicir bararka ku aaddan deegaanka oo ay labaduba la socdaan Qurba-Joogta in uu ka hadlo ama uu xal u helo Duqa-Magaalada.Tolkaygii Dayusbarana waxaan jeclaan lahaa in aan mid u sheego, waa laga fiicanyahay in aad waddankaagii hooyo oo aad intaas oo sanadood aad ka maqnaydeen in aad u la soo noqotaan waxyaaba wax u dhimaya dooqa iyo dareenka guud ee shacabka.

Sidoo kale waxaa iyadana laga haboonyahay in xilli ay shaqaalaha Ajaanibta ah ee hay'adaha UN-ta iyo kuwa la mid ka ah ay ixtiraamayaan dhaqanka umadda in aad adiga oo u dhashay dalkii in aad gaar marto oo aad geeska ku dhufato dhaqankii iyo anshaxii guud ee Umadda aanay fiicneyn.
 
Intaas kadib, Asxaabeey talo ma ahan in aad Xamar oo dhan aad Xeeb qalalan ku soo koobtaan. Goobihii caanka ah ee magaalada sida Matxafka, taallooyinkii iyo dhismooyinkii caanka ahaa booqda. Bal u kaadi, waxay ila tahay intuba in ay burbureen oo anay sariba ka taagnayn sidaa awgedna aysan ku haabooneyn in la iska ga qaado sawiro Facebook-ga la soo giliyo? Xalku muxuu yahay marka? Xeebta ma tagnaa, mise magaaladeednna ayaa dhisanaa oo aan gacan ka gaysano dib u dhiska iyo soo nooleynta bilicdeeda?
 
Jawaabta idinkaan idin daayay ee Qurba-Joogeey, Caqli lix saaca naga dhaafa..Duqa Magaaladana, Magaalada Liido way ka weyntahay Mudane.!
 
Waa Aragtida: Mohamed Haji.




Maqaallo 27 October 2020 4:05

Qorshaha uu Trump ku doonayo in uu Ciidamadda Mareykanka ugala baxo Soomaaliya ayaa walwal ku abuuray xulufadda ku lugta leh dagaalka ka dhanka ah Al-Shabaab, iyadoo laga codsaday Washington in ay dib uga fiirsato go'aankeeda.