Al-Shabaab oo sheegatay weerarka Elite hotel

War qoraal ah oo Kooxda ay soo saartey ayay ku sheegtay in xiliga weerarka ay ku sugnaayeen gudaha hotel-ka mas'uuliyiin katirsan dowladda Soomaaliya, oo Xildhibaanno u badan.

Warar Keydmedia Online
Al-Shabaab oo sheegatay weerarka Elite hotel

MUQDISHO, Soomaaliya - Al-Shabaab ayaa dhabarka u ridatay mas'uuliyadda weerarkii argagaxiso ee galabta lagu qaadey Elite hotel oo ku yaalla xeebta Liida, ee magaaladda Muqdisho.

Kooxda ma aysan sheegin tirada dadka ay ku dishay qaraxa iyo weerarkii tooska ahaa ee ka dhacay hotel-ka.

Booliska ayaa sheegay in 10 qof in ka badan ay ku dhinteen, sidoo kalena 40 kale ay ku dhaawacmeen, waxaana wali ka socda hotel-ka rasaas goos-goos ah, oo ay ridayeen Ciidanka iyo rag hubeysan oo dagaalamaya.

KEYDMEDIA ONLINE

    Commenting is not available in this channel entry.