Baardheere oo la badalay xiliyadii Salaada

Wararka laga helayo Degmada Baardheere ee Gobalka Gedo ayaa sheegaya in maamulka halkaasi ka taliya uu maanta ku dhawaaqay in isbadal lagu sameeyay xiliyada Salaada laga tukan jiray Degmadaasi.
Warar Keydmedia Online
Baardheere oo la badalay xiliyadii Salaada

Hadal qoraal ah oo ka soo baxay maamulkaasi ayaa lagu faray Imaamyada iyo mu'adinada Masaajida in ay ogaadaan Salaadaha xiligooda in la badalay marka laga reebo Salaaada Maqrib oo xiligeedii la tukan doono.

Waxaa lagu sheegay hadalka Qoraalka ah in Salaada Duhur oo inta badan Geyiga Soomaaliya laga tukan jiray 12:40-12:50 ayaa waxa ay amar ku bixiyay Maamulka in la tukan karo 1-da duhurnimo, sidoo kale Salaada Casir oo iyana 3:30-ka aheyd ayaa iyana la sheegay in 4:00 uu noqon doono xiligeeda.

Isbadalkan ay ku sameeyeen Maamulkaasi xiliyada salaada ayaa waxaan jirin wax daliil Diini ah oo ay u adeegsadeen iyadoona dhanka kale ay xusid mudantahay xiligan in aanu jirin isbadal dhanka cimilada oo ka jira Dalka.

www.keydmedia.net