Ciidanka DF oo Al-Shabaab kala wareegay Basra

Dagaal culus ayaa shalay ka dhacay degaanka iyo Tuulooyin hoostaga, kaasoo geystay khasaarooyin isagu jira dhimasho iyo dhaawac soo gaarey labada dhinac.

Warar Keydmedia Online
Ciidanka DF oo Al-Shabaab kala wareegay Basra

BALCAD, Soomaaliya - Ciidamada dawladda Soomaaliya ayaa kooxda Al-Shabaab kala wareegay degaan lagu magacaabo Basra, oo duleedak degmada Balcad ku yaalla, kadib dagaal xoog leh oo shalay dhacay.

Labada dhinac ayaa kasoo gaarey dagaalkii shalay khasaarooyin isagu jira dhimasho iyo dhaawac, inkastoo aan wali la xaqiijin tirada rasmiga ah. Xaaladda Basra ayaa saakay degan, iyadoo Ciidanka DF ay sameeyeen howlgallo lagu xaqiijinayo amniga.

Degaanada dhaca inta u dhaxaysa Balcad iyo Jowhar ayaa ahaa kuwa ay ka dhacaan weeraro joogto ah, waxaana labadii sano ee ugu dambeeyay lagu dilay Saraakiil amni iyo Xildhibaanno katirsan Maamulka HirShabeelle.

Ciidamada Dawladda iyo kuwa AMISOM ayaa hadda billaabey howgallo Al-Shabaab looga sifeynayo wadada, maadaama lagu jiro xili doorasho.

KEYDMEDIA ONLINE

Commenting is not available in this channel entry.