Dagaal ka dhacay Gobolka Jubbada Hoose [Fahfaahin]

Jubbaland ayaa waxay gacanta ugu jirtaa Axmed Madoobe mudo ka badan 8 sano, isagoo ka dhigtay sidii boqortooyo oo kale, oo aan kursiga ka degaynin.

Warar Keydmedia Online
Dagaal ka dhacay Gobolka Jubbada Hoose [Fahfaahin]

KISMAAYO, Soomaaliya - Dagaal culus oo u dhaxeeya Al-Shabaab iyo Ciidanka Kenya ayaa Maanta ka dhacay degaanno katirsan gobolka Jubbada Hoose, Koonfurta Soomaaliya.

Dadka degaanka qaar oo la hadlay KON ayaa sheegay inay maqlayeen rasaasta culus iyo qaraxyo u maleynayaan inuu ahaa bambooyinka gacanta intii uu socday dagaalka oo yimid kadib markii Al-Shabaab ay weerar ku qaadey saldhigyo Ciidanka Kenya ku leeyihiin Taabta iyo Hoosingow.

Labada dhinac ayaa soo kala gaarey khasaarooyin isagu jira dhimasho iyo dhaawac, iyadoo aan la ogeyn inta ay la egtahay tirada, maadaama Saraakiisha Jubbaland aysan ka hadlin.

Inta badan degaanada Jubbada Hoose ay ka joogaan Ciidanka Kenya waxaa lagu qaadaa weeraro uga yimaada dhinaca Al-Shabaab, oo isku dayaysa inay dib ula wareegto maamulka.

Ciidanka Kenya waxay Soomaaliya ka joogaan Jubbada Hoose iyo Gedo, waxayna ka fuliyaan duqeymo ay shacabka ku laayeen tan iyo markii dalka soo galeen 2011.

Waxay Ciidanka Kenya ilaaliyaan Jubbaland oo gacanta ugu jirtaa Axmed Madoobe mudo ka badan 8 sano, isagoo ka dhigtay sidii boqortooyo oo kale, oo aan kursiga ka degaynin.

KEYDMEDIA ONLINE

Commenting is not available in this channel entry.
Warar 6 December 2021 18:32

Boobkii doorashada ee sababay dilkii MW Soomaaliya iyo isku dhajintii xukunka ee keentay burburka dalka ayuu Farmaajo dib u soo celiyay, wuxuu diiddan yahay banneynta xaafiiska iyo hirgalinta doorasho xalaal ah.