Dagaal Khasaaro geystay oo ka dhacay Gobolka Baay

Al-shabaab ayaa inta badan weeraro jidgal ah ku qaada Ciidamada dowladda Federaalka, AMISOM iyo kuwa maamullada xilliyada ay howlgallada sameynayaan.

Warar Keydmedia Online
Dagaal Khasaaro geystay oo ka dhacay Gobolka Baay

MUQDISHO, Soomaaliya – Wararka laga helayo degmada Diinsoor ee gobolka Baay ayaa sheegaya in uu halkaas ka dhacay dagaal xooggan oo u dhaxeeyay Ciidamada dowladda iyo kuwa maamulka Koofur Galbeed oo isku dhinac ah iyo Al-shabaab.

Maamulka Degmada ayaa sheegay in dagaalkaan uu yimid kadib markii dagaalyahano katirsan Al-Shabaab ay dhabbaha u galeen Ciidamada dowladda iyo kuwa Koofur Galbeed oo howlgallo ka waday duleedka Diinsoor.

Howlagalka ayaa si gaar ah uga dhacay tuulada Wiigli ee duleedka degmada, waxaana la sheegayaa in Al-shabaab 4 xubnood looga dilay dagaalka, wallow aan si rasmi ah loo xaqiijin karin khasaaro soo gaaray dhinaca Ciidanka dowladda.

KEYDMEDIA ONLINE

Commenting is not available in this channel entry.
Warar 3 December 2021 10:33

Tallabooyinkaan oo dhan waxa ay daaha ka qaadayaan in Mareykanku ka cagajiidayo xasillinta siyaasadeed iyo amni ee Soomaaliya, isla-markaana uu baasiin xaaladda ku sii bilbilayay ku dhawaad shanti sano ee la soo dhaafay, si uu difaac ugu noqdo Fahad Yaasiin.