Dowladda oo sheegtay in ay Dishay Saraakiil Al-shabaab ah

Waajid(KON)-Saraakiisha Ciidamada Dowladda Soomaaliya ee Gobolka Bakool,ayaa sheegay in Dagaal ka dhacay Toolooyin hoos yimaada Degmada Waajid ay ku jabiyeen Al-shabaab.

Warar Keydmedia Online
14 April 2014

Cornel C/rixmaan Timacade oo ah Taliyaha Guutada Lixaad ee Ciidamada XDS ayaa Keydmedia online u sheegay in ay  Dagaalka ku Dileen 25 Dagaal yahay oo Al-shabaab ah.

Dagaalyahanada  ayaa waxaa uu ku sheegay in ay ku jiraan Amiirkii Degmada Waajid iyo Taliyihii Ciidamada Al-shabaab ee Degmadaasi,waxaana Saraakiisha Al-shabaab uu sheegay in lagu Magacaamo Sh Aadan yare iyo Sh Cali Axmed Dhuub.

Sidoo kale Corneelka ayaa sheegay in Gaari Nuuca dagaalka ah Al-shabaab looga Qabsaday Dagaalkii Bakool islamarkaana ay jiraan Hub farabadan oo Al-shabaab laga Furtay,

Dhankooda waxaa uu sheegay in ay jiraan Khasaaaro,laakiin uu yar yahay,oo ay iska Difaaceen Weerarka Al-shabaab.

Waxaana Shalay Dagaal lagu Hoobtay uu ka dhacay Toolooyin Hoos yimaada Degmada Waajid ee Gobolka Bakool ee Koofur Galbeed ee Dalka.

Keydmedia online - Xafiiska Muqdishi