Fahfaahin: Mid kamid ah Wasiiradda Hir-Shabeelle oo la dilay

Nin hubeysan ayaa rasaas ku furey Wasiirka xili uu kasoo baxayay Masjid uu Salaadii Cishaha Caawa kusoo tukaday, waxaana goobta markii dambe isaga baxsaday gacan-ku-dhiiglaha.

Warar Keydmedia Online
Fahfaahin: Mid kamid ah Wasiiradda Hir-Shabeelle oo la dilay

JOWHAR, Soomaaliya - Saraakiisha amniga HirShabeelle ayaa xaqiijiyay dilka Wasiirkii Beeraha Maamulkaas C/qaadir Karaani, kaasoo Caawa dabley hubeysan ay ku toogteen gudaha magaaladda Jowhar Salaadii Cishaha kadib.

Marxuumka ayaan la ogeyn cida dishay, balse waxaa socda baaritaan ku saabsan qaabkii uu falka u dhacay, iyadoo la wareysanayoo dadkii goobjooga u ahaa toogashadda Wasiirka, oo sidoo kalena ahaa Xildhibaan.

Madaxweyne Waare ayaa xilka Wasiirka Beeraha u magacaabey C/qaadir Abuukar Maxamed Karaani horaantii bishan, wuxuuna kamid ahaa wasiiro ku yimid xafiiska isku shaandheyn la sameeyay.

Amniga HirShabeelle ayaa faraha ka baxay, kadib markii Al-Shabaab ay dhowr mas'uul iyo Xildhibaanno ku dishay wadada u dhaxaysa Jowhar iyo Balcad xili ay kusii jeedeen Muqdisho ama ka yimid.

Waare oo waqtigiisa dhamaanayo ayaa lagu eedeeyay waxqabad la'aan isagoo mudadii uu xilka hayay ku dhameeyay safaro iyo inuu ku maqnaado magaaladda Muqdisho, oo degaan uu ka dhigtay, halka laga rabey inuu Jowhar ku shaqeeyo.

KEYDMEDIA ONLINE

    Commenting is not available in this channel entry.
    Warar 20 September 2020 14:00

    Wasaaradda Arrimaha Gudaha ayaa dhawaan shaaciyay inay magaalo kasta oo kamid ah Galmudug loo sameyn doono Golle degaanka, si shacabka ay usoo doortaan hogaamiyaasha ay doonayaan, oo aan dusha looga keenin.