Farmaajo oo ku dhawaaqey Mowqifkiisa Doorashadda

Farmaajo ayaa Madaxda Dowlad-goboleedyada dalka ku adkeeyey hirgelinta jadwalka doorasho ee ay isla qaateen, isagoo aan soo hadal-qaadin Rooble.

Warar Keydmedia Online
Farmaajo oo ku dhawaaqey Mowqifkiisa Doorashadda

MUQDISHO, Soomaaliya - Farmaajo ayaa ka baxay aamusnaanta tan iyo isku-daygiisii afgembi ee 27-kii December, isagoo jeediyay Khudbad ay ka muuqatey is-dhiibid iyo rajo la'aan.

Khudbada oo 9 daqiiqo socotay ayaa ahayd mid horey loo duubey, oo aan Live ahayn, taasoo Farmaajo uu uga hadlay amniga, doorashadda, siyaasadda dibadda iyo Ciidamada qaranka.

Farmaajo ayaa bogaadiyay shirkii Gollaha Wadatashiga Qaran iyo go'aanadii kasoo baxay, oo ka jawaabaya tabashooyinkii laga qabey hanaanka la boobey, ee doorashadda Soomaaliya.

Wuxuu ugu baaqey madaxda Maamulada in mudada lagu heshiiyay [40 maalin] lagu dhameeyo doorashadda dalka, taasoo ah jidka kaliya ee looga baaqsan karo caqabadaha.

Madaxweymaha mudo-xileedkiisu dhamaadey kuma uusan soo hadal-qaadin Khudbadiisa magaca Ra'iisul Wasaare Rooble oo dagaal kala dhaxeeya, isagoo xusay madaxa Maamulada.

Arinta amniga, wuxuu xusay in heer gabo-gabo ah marayo qorshihii ay Ciidanka qaranka ugala wareegi lahaayeen AMISOM amniga guud ee Dalka, maadaama ay baxaan 3 bilood kadib.

Dhanka siyaasadda dibadda, Farmaajo ayaa ku faaney in siyaasadda uu u dejiyay arrimahada dibadda horseedday in Soomaaliya si mug leh uga dhex muuqato fagaareyaasha Caalamka.

Khudbadda Farmaajo waxaa laga fahmay inay ahayd mid compaign doorasho ku sameynayay, maadaama dhamaan qodobada uu soo hormariyay ahaayeen kuwa waxqabad ka dhignayay.

KEYDMEDIA ONLINE

Commenting is not available in this channel entry.
Warar 19 January 2022 16:49

Wasiir ka tirsan Xukuumadda Xil-gaarsiinta ee masuulka ka ah hirgalinta hannaanka doorashooyinka dadban, ayaa qeylo-dhaan ka muujiyay habka loo maamulay mid ka mid ah kuraasta Aqalka hoose ee taalla Puntland.