Farmaajo oo ogolaaday dalabka Axmed Madoobe

Madaxweynaha Soomaaliya Maxamed Cabdullaahi Farmaajo ayaa sameeyay tanaasul si uu u qanciyo Axmed Madoobe, isagoo ogolaaday in Ciidamadda dowladda laga soo saaro Gedo.

Warar Keydmedia Online
Farmaajo oo ogolaaday dalabka Axmed Madoobe

MUQDISHO, Soomaaliya - Kahor inta uusan furmin kulanka maanta, Farmaajo iyo Axmed Madoobe ayaa isku afgartay inay guddi isku dhaf ah magacaabaan, kaasoo ka shaqeynaya sidii Ciidanka dowladda looga soo qaadi lahaa gobolka Gedo, oo horaantii sanadka la geeyay.

Arintan ayaa kamid ah shuruudaha Axmed Madoobe hordhigay Farmaajo markii uu Muqdisho tagey todobaadkii hore, isaga iyo Deni si ay Farmaajo ugala hadlaan danahooda gaarka.

Kulankan oo ay horey u shaacisay Villa Soomaaliya habeenka Arbacada ayaa la baajiyay daqiiqadii ugu dambeysay iyadoo shuruudo cusub ay ka soo baxeen Jubbaland.

Shuruudaha uu soo bandhigay Madoobe ayaa waxaa kamid ahaa ka bixitaanka Ciidamada dowlada Federaalka ee gobolka Gedo. Lama oga inuu Farmaajo u fulin doono Axmed Madoobe balad-qaadka uu u sameeyay.

Ciidamada ayaa la geeyay gobolka bilo kahor si ay u ilaaliyaan amniga, iyagoo dagaal adag la galey askar daacad u ah wasiirka amniga ee Jubaland, Cabdirashiid Janan oo January 2020 ka baxsaday xabsi ku yaalla Muqdisho.

Dagaalkii Ciidanka Jubbaland iyo kuwa DF ee ka dhacay Beled-Xaawo oo ku dhow Kenya sanadkan wuxuu sababay argagax, iyadoo dadka deegaanka ay ka carareen guryahooda.

KEYDMEDIA ONLINE

    Commenting is not available in this channel entry.
    Warar 20 September 2020 14:00

    Wasaaradda Arrimaha Gudaha ayaa dhawaan shaaciyay inay magaalo kasta oo kamid ah Galmudug loo sameyn doono Golle degaanka, si shacabka ay usoo doortaan hogaamiyaasha ay doonayaan, oo aan dusha looga keenin.