Gudoomiyaha G/Shabeellaha Hoose oo xilkii laga qaadey

Lafta-Gareen ayaa go'aankan qaatey kadib soo jeedin wasiirka arrimaha gudaha maamulka Koonfur Galbeed Soomaaliya.

Warar Keydmedia Online
Gudoomiyaha G/Shabeellaha Hoose oo xilkii laga qaadey

MUQDISHO, Soomaaliya - Madaxweynaha Koonfur Galbeed C/casiis Lafta-Gareen ayaa xilka ka qaadey gudoomiyaha gobolka Shabeellaha Hoose C/qaadir Maxamed Nuur Siidii.

Waxaa lagu bedelay Maxamed C/raxiin Nuur, oo ay kasoo wada jeedaan Beesha Garre. Go'aankan ayaa loo cuskadey soo-jeedin ka timid Wasiirka Arrimaha Gudaha maamulkiisa.

Axmed Cumar Maxa'ed, ayaa loo magacaabey gudoomiye ku-xigeenka dhanka amniga gobolka, waxaana xilka qaadista kusoo beegmaysaa xili gobolka ay ka socdaan dagaallo.

Cabdulkhadir siidi ayaan aheyn qof ku cusub xilka. Dhowr jeer ayuu soo noqdey, waxaana lagu xasuustaa inuu hogaaminayay howlgalkii Al-Shabaab looga saarey Baraawe 2014.

Shabeellaha Hoose ayaa ah meel ay Al-Shabaab ku xooggan tahay, waxuuna gobolka xuduud la leeyahay Muqdisho, taasoo keentay in laga soo geliyo qaraxyada baabuurta.

KEYDMEDIA ONLINE

Commenting is not available in this channel entry.
Warar 6 December 2021 18:32

Boobkii doorashada ee sababay dilkii MW Soomaaliya iyo isku dhajintii xukunka ee keentay burburka dalka ayuu Farmaajo dib u soo celiyay, wuxuu diiddan yahay banneynta xaafiiska iyo hirgalinta doorasho xalaal ah.