Kooxaha dowlada ka soo horjeeda oo idaacado la wareegay

Muqdisho(Keydmedia) Kooxaha Dowlada ka soo horjeeda ayaa habeenkii xalay ahaa la wareegay gacan ku heyta idaacado FM ah oo ku yaalay magaalada Muqdisho.
News Keydmedia Online

Idaacadaha lala wareegay ayaa waxa ay kala yihiin Hornafrik oo isticmaaleysay mowjada 99.9 iyo idaacada GBC oo ku shaqeyneysay 98.8  ah, ,

Idaacada Hornafrik ayaa hawada laga waayay maalinimadii jimcaha aheyd ee la soo dhaafay iyadoona la maleynayay in ay aheyd cilad farsamo laakiin xalay saq dhexe ayaa kooxaha dowlada ka soo horjeeda ee Bakaaro ka taliya waxa ay gabi ahaan la wareegeen qaab maamulka idaacadaasi.

Inkastoo idaacadahan ay ka mid ahaayeen kuwa u hogaansanaa amarada ka imaada kooxaha dowlada ka soo horjeeda ayaa hadana waxaan la ogeyn sababta rumaad ee ka danbeysay la wareegidooda.

Idaacada Hornafrik waxaa suurta gal ah in sababaha loola wareegay in ay tahay Axmed C/salaan oo xili ka mid ah wasiirada dowlada isla markaana ka mid ah dadka qeybta ka leh idaacada.

Talaabtan ma ahan tii ugu horeysay ee ay kula wareegaan kooxaha dowlada ka soo horjeeda Idaacad ayaa hadana idaacadaha iminka lala wareegay waxay ku biirayaan idaacadihii hore loola wareegay sida Somaliweyn, IQK, iyo Warsan

 www.keydmedia.net