Marka: Dagaal dhexmaray Ciidamo ka wada tirsan Dowladda

Marka (KON) - Iska Hor'imaad ayaa Xalay ku dhexmaray Ciidamo ka wada tirsan Dowladda Federaalka Magaalada Marka ee Gobolka Sh/hoose.
Warar Keydmedia Online
Marka: Dagaal dhexmaray Ciidamo ka wada tirsan Dowladda

Dagaalkaan oo socday Hal Saac ayaa dhacay kadib markii ay kala shakiyeen Ciidamo ka wada tirsan kuwa Dowladda, waa sidee shaaciyeen Maamulka Magaalada.

Wararka hordhaca ah ayaa sheegaya in 2 Qof ay ku dhimatay Dagaalkaan halka dhaawacu laga qiyaasay 5 Askari.

Guddoomiyaha Degmada Marka oo aan xiriir la sameynay ayaa ka gaabsaday in uu wax faah faahin ah ka bixiyo iska hor’imaadkaasi.

Saraakiil ka tirsan Ciidamada Dowladda ayaa Saakay sheegeen in ay isku dayayaan in ay heshiiyaan Ciidamada Dagaalay.

Ma ahan markii ugu horeysay oo ay Ciidamada Dowaladda isku dagaalaan, waxaana Ascbuuc kahor ka dhacay Deegaan hoostaga Marka Dagaal ay ku dhinteen 3 Askari.

Keydmedia Online - Xafiiska Muqdisho