Meydadka Al-Shabaab iyo hub laga furtay oo lasoo bandhigay

Ciidamada Xoogga Dalka Soomaaliya ayaa dagaal kaga guuleystay koox ka tirsan Al-Shabaab oo weerar ku soo qaaday magaalada Dhuusamareeb ee xarunta dowlad goboleedka Galmudug

Warar Keydmedia Online
Meydadka Al-Shabaab iyo hub laga furtay oo lasoo bandhigay

DHUUSAMAREEB, Soomaaliya - Ciidamada Xoogga dalka Soomaaliya oo ka jawaabayay weerar xalay kaga yimid koox ka tirsan Al-Shabaab oo habeenkii labaad soo qaaday weerar isugu jira Hoobiyayaal iyo iska hor imaad fool-ka-fool ah ayaa waxay nolosha kusoo qabteen qabteen qaar kamida maleyshiyaadkii kooxda 

Wasiirka Amniga Dowlad-goboleedka Galmudug Axmed Macalin Fiqi iyo Taliyeyaasha howlgalka hoggaaminayay ayaa warbaahinta  u sheegay in ladilay 8 ka mida kooxda weerarka soo qaadday ee Al-Shabaab sidoo kalana gacanta lagu dhigay Gaarigii Hoobiyihii iyo Hub fudud oo ay u adeegsanayeen.

Magaalada Dhuusamareeb waxaa kasocda Shir ay isugu yimaadeen madaxda dowladda federaalka Soomaaliya iyo dowlad goboleedyada xubnaha ka ah dowladda dhexe.

KEYDMEDIA ONLINE

Commenting is not available in this channel entry.