Nin u qaabilsanaa Al-Shabaab Qaraxyada Muqdisho oo la xukumay

Ninkan dhalinyarada ah ayaa la qabtay sanadkii tagey isagoo qarax ku dhejinaya gaari yaalla Isgoyska Zoobe, ee magaaladda Muqdisho, iyadoo la fashilyay falkii argagaxiso, ee uu maleegayay.

Warar Keydmedia Online
Nin u qaabilsanaa Al-Shabaab Qaraxyada Muqdisho oo la xukumay

MUQDISHO, Soomaaliya -  Xudeyfa Daa’uud Yuusuf Ibraahim ayaa Al-Shabaab kaga biiray deegaanka Janaale ee  gobalka Shabeellada Hoose kahor inta aysan gacan ku haynteeda la wareegin Ciidamada Xoogga Dalka.

Mid ay ehel wadaag yihiin ayaa ku tashkiilay ku biiirista Al-Shabaab, waxaana la baray Sida gawaarida loogu  xiro Qaraxyada.

Isku daygiisii ugu horreeyay waxa ay kaga fashilantay degmada Kaaraan, waxaana isku deygiisa labaad isaga oo ku dhajinaya  Gaari hor yiiley Meherad Ganacsi oo ku taal Isgoyska Zoobe ay ku qabteen Ciidamada Amniga ee Ilaalada ka hayay goobta.

25-kii November sanadkii tegay ayaa lagu soo wareejiyay Xarnta dambi baarista NISA.

Wixii intaas ka dambeeyay NISA ayaa  baaritaan dheer oo la xiriir shaqadeeda ka guduatay, waxayna horreenta bishii 8aad Sanadkan ku soo wareejiyeen Xafiiska Xeer Ilaalinta Ciidamada Qalabka Sida.

Xafiiska ayaa Maxkamadda weydiistay in Eedeysane Xudeyfa Daa’uud Yuusuf loo gudibiyo Xabsiga Dhexe Garsuge ahaan.

Baaritaana kale oo uu Xafiiska Xeer Ilaalinta ku go’aaminayo horgeyn Maxkamadeed ayay halkaas ka bilaabeen, waxayna ugu dambeyn ka codsadeen Garsoorka Ciidamada Qalabka Sida in la muddeeyo dhageysiga dacwadda ka dhanka ah ninkan 20-kii June bishii ina dhaaftay.

Shan cisho kadib Maxkamadda ayaa ogolaatay in loo fariisto  Garmaqalka Eedda ka dhanka ah Xudeyfa, waxayna Maxkamadda ogolaatay 25-kii June Sanadkan.

Dhinacyada dacwadda oo ugu horreeyo Xafiiska Xeer Ilaalinta ayaa la siiyay Fursad ay ku soo bandhigi karaan cadeymaha dambi Muujin ee Eedeysanaha Maxkamadda hor taagan sida uu qabo hab raaca Sharciga Dacwadda.

Muumin Xuseen Cabdullaahi ku xigeenka Xeer Ilaaliyaha Guud ee Ciidamada Qalabka Sida ayaa Maxkamadda u sheegay in Eedeysanaha lagu soo qabtay isaga oo falka gacanta kula jiray Halka Qareenada ay ku dodeen in loo Naxariisto maadama ay tahay shaqadiisii ugu horreysay ee uu ku fashilmay cidina aysan wax ku noqon marka laga reebo bur bur hantiyadeed.

Ugu dambey Maxkamadda ayaa ku xukuntay 15-Sano oo Xabsi Ciidan ah Xudeyfa Daa’uud, sida uu u sheegay dhinacyada dacwadda Gaashaanle Sare Xasan Cali Nuur Shuute guddoomiyaha Maxkamadda Darajada Koowaad ee Ciidamada Qalabka Sida.

Xukunsanaha ayaa haysta Fursada kale oo uu ku dalban karo Rafcaan Muddo ku siman 30-cisho xukunka kadib.

KEYDMEDIA ONLINE

    Commenting is not available in this channel entry.
    Warar 25 September 2020 4:10

    Bajaajlayaasha waxaa la dilaa iyaga oo bixinaya canshuurtii dowladda, waana cadaalad daridda ka jirta Muqdisho sida uu Farmaajo xilka ula wareegay oo ku kalliftay dhalinyarro badan in ay gabi ahaamba dalka isaga tagaan.