Sarkaal Ciidan iyo askar lagu dilay gobolka Hiiraan

Dagaalka ayaa ka dhacay duleedka degmada Buula-Burde, halkaasoo dhawaan Ciidanka dowladda ka billaabeen howlgallo jidka lagu furayo.

Warar Keydmedia Online
Sarkaal Ciidan iyo askar lagu dilay gobolka Hiiraan

BELEDWEYNE, Soomaaliya - Sarkaal sare oo kamid ahaa Ciidamada dowladda oo lagu magacaabi jiray Col Muumin Jiis iyo afar askari oo katirsanaa Ciidanka dowladda, gaar ahaan qeybta 21-aad ayaa lagu dilay dagaal ka dhacay gobolka Hiiraan.

Mas'uuliyiinta gobolka ayaa sheegay in dagaalka oo shalay ka dhacay duleedka Buulo-Burde ay ku dhaawacmeen Saraakiil ay kamid yihiin Cali Dhammeey, Xuseen Waasuge Xeylle, Siyaad Axmed Max'med Indhooy iyo Geesaweyn.

Dowladda Soomaaliya ayaa dhankeeda kasoo saartay dagaalka, iyadoo sheegtay in 30 xubnood oo katirsanaa Kooxda Al-Shabaab lagu dilay weerar ay ku qaadeen tuulooyin nawaaxiga Buulo-Burde ku yaalla, oo laga go'doomiyay degmada.

Ciidanka Jabuuti ee qeybta ka ah AMISOM ayaa ka qeyb qaatay dagaalka, waxaana la ogeyn dhankooda khasaaraha kasoo gaarey. Duulaanka cusub waxaa hogaaminaya gudoomiyaha Hiiraan Cali Jeyte, waxaana ujeedka uu yahay in la isku furo degmooyinka gobolka, oo Al-Shabaab go'doomisay.

KEYDMEDIA ONLINE

Commenting is not available in this channel entry.
Warar 20 September 2021 18:56

Khabiir amni ayaa ku doodaya in loo baahan yahay in la furo baariska dilkii Injineer Yariisow, si xal loogu helo, xaaladda cakiran ee la xariirta baarista kiiska Ikraan Tahliil Faarax, iyo saraakisha kale ee NISA.