Sheekh Shariif oo ku laabtey Jowhar

HirShabeella waxaa yaalla 45 kursi oo Farmaajo iyo Mucaaradka ku tartamayaan, si ay ugu guuleystaan doorashadda Madaxweynaha Soomaaliya oo dhacaysa Febuary 8, 2021.

Warar Keydmedia Online
Sheekh Shariif oo ku laabtey Jowhar

MUQDISHO, Soomaaliya - Sheekh Shariif, Madaxweynihii hore ee dalka Soomaaliya ayaa maanta dib ugu laabtey magaaladda Jowhar, oo isla maanta ay ka dhacayso doorashadda gudoonka Baarlamaanka HirShabeelle.

Waa safarkiisa labaad mudo ka yar hal todobaad oo Jowhar ku tagayo, waxaana lala xiririnayaa inuu wado Sheekh Shariif olole doorashaddiisa ku saabsan, isagoo xusul duub ugu jira in Madaxweyne mar labaad ka noqdo dalka, xilkaaso oo ugu dambeysay 2012.

HirShabeella waxa uu kula kulmay safarkii hore Siyaasiyiin, Odayaal dhaqan iyo qeybaha bulshadda, isagoo kala hadlay arrimaha muranka ka taagan iyo sidii xal looga gaari lahaa 9 kursi oo beelaha ay ku mursan yihiin, kuwaasoo wali aan lagu soo darin Baarlamaanka cusub ee HirShabeelle.

Maamulka HirShabeelle, sida uu sheegay Waare wuxuu noqday meel lagu fulisto dano doorasho oo ay leeyihiin madaxda xiligaas joogta Villa Somalia iyo mucaaradka, taasoo meesha ka saartay masiirkii Shacabka Maamulkan dhistay 2016.

KEYDMEDIA ONLINE

Commenting is not available in this channel entry.