Shirka Musharixiinta oo galay Maalintii 2aad

Markii hore kahor shirka qoraal ay soo saareen, Musharixiintaas waxay ku hanjabeen inay qaadacayaan doorashooyinka soo socda, iyagoo u sababeeyay faragelinta madaxweynaha xilka haya Maxamed Farmaajo ku hayo dhismaha gudiyadda

Warar Keydmedia Online
Shirka Musharixiinta oo galay Maalintii 2aad

MUQDISHO, Soomaaliya - Labo iyo toban Musharrax Madaxweyne ayaa maalintii 2aad shir uga socdaa magaalada Muqdisho, kaasoo la filayo inay berri kasoo saaraan war-murtiyeed ay ku shaacin doonaan mowqifkooda ku aadan doorashadda Soomaliya 2020-21.

Kulanka saddex maalmood soconaya ayaa waxaa ka qeybgalaya Musharrixiin u badan shakhsiyaad mucaarad ah, kuwaasoo si qoto dheer uga doodaya qaababka lagu xallin karo khilaafaadka dhexdooda ah, si ay u wajahaan madaxweynaha xilka haya.

Ka soo qeyb galayaasha waxaa ka mid ah Xasan Cali Khayre, Madaxweynayaashii hore Xasan Sheekh Maxamuud, Sheekh Shariif iyo hogaamiyihii hore ee Koonfur Galbeed Shariif Xasan Sheekh Aadan, Cabdiraxmaan Cabdishakuur, gudoomiyaha xisbiga Wadajir iyo Cabdikariim Guuleed, hogaamiyihii hore ee Galmudug.

Kahor shirka qoraal ay soo saareen, Musharixiintaas waxay ku hanjabeen inay qaadacayaan doorashooyinka soo socda, iyagoo u sababeeyay faragelinta madaxweynaha xilka haya Maxamed C/llaahi Farmaajo ku hayo dhismaha gudiyadda.

Farmaajo oo doonaya markii labaad uu dalka Madaxweyne ka noqdo, wuxuu ka buuxiyey Guddiga Doorashooyinka Heer Federaal Saraakiil hay'adda Sirdoonka NISA katirsan, shaqaale dowladeed iyo shaqsiyaad isaga ku dhow.

KEYDMEDIA ONLINE

Commenting is not available in this channel entry.
Warar 3 August 2021 11:58

Waxaa la rumeysan yahay in Jibriil Saciid Cali Xuseen, ay gacantiisa ku maqan yihiin dad kale oo ajaaniib ah, kuwaas oo badankood la khaarijiyay kadib markii la isku fahmi waayay lacagihii ay Al-Shabaab u codsadeen madax-furashada.