Somaliland oo qaadey tallaabo ay ku kasbanayso Mareykanka

Maamulkan oo 30 sano sheeganayay gooni u goosad ayaan helin aqoonsi caalami ah, iyadoo loola macaamilo sida gobol kamid ah Soomaaliya.

Warar Keydmedia Online
Somaliland oo qaadey tallaabo ay ku kasbanayso Mareykanka

HARGEYSA, Soomaaliya - Wasaaradda Arrimaha Dibadda maamulka Somaliland ayaa sheegtay inay heshiis kula gashay Mareykanka in Hargeysa la geeyo qaxootiga reer Afghanistan.

Afhayeen u hadlay Wasaaradda ayaa xaqiijiyay in Somaliland ay qaabili doonto qaxootiga Afghanistan laga soo qaadey ee la doonayo in Mareykanka loo qaado.

Uganda ayaa Arbacadii la geeyay tobaneeyo u dhashay Afghanistan oo laga soo qaadey Kabul, waxaana ay Fiisooyinka inta uga soo baxayaan kusii sugayaan Kampala.

Lama oga in Mareykanka uu geyn doono Somaliland qaxootiga laga soo daad-gureynayo Kabul, waxaana tallaabadan ku dhawaaqay oo kaliya maamulka Muuse Biixi.

Maamulkan oo 30 sano sheeganayay gooni u goosad ayaan helin aqoonsi caalami ah, iyadoo loola macaamilo sida gobol kamid ah Soomaaliya.

KEYDMEDIA ONLINE

Commenting is not available in this channel entry.