Wafdi ka socda QM oo gaaray Doolow

Wafdi ka socda hay’adda UNOCHA ee katirsan Qaramada Midoobe, oo ay  hogaamineyso ku xigeen madaxa xafiiska Soomaaliya ayaa gaaray degmada Doolow ee gobalka Gedo.

Warar Keydmedia Online
Wafdi ka socda QM oo gaaray Doolow

DOOLOW, Soomaaliya - Wafdi ballaan oo ka socda hay’adda UNOCHA ee Qaramada Midoobe oo ay  hogaamineyso ku xigeen madaxa xafiiska Soomaaliya Cindy Isaac ayaa gaaray degmada Doolow ee gobalka Gedo.

Wafdiga ayaa la kulmay kooxaha samafalka, maamulka degmada iyo dadka degaanka oo ey ka wareysteen adeegyada gargaarka iyo caqabadaha taagan. waxayna booqdeen xarumo dhowra kuwaasoo ay kamid yihiin kuwo ay hirgaliyeen hay'adaha QM. Gobolka gedo waxaa ka dhacay kal hore dagaallo u dhaxeeya dowladda Soomaaliya iyo dowlad goboleedka Jubbaland kuwaasoo sababay barakac aad u baahsan.

Magaalada Doolow waxay kamid tahay goobaha ugu badan ee ay dadku ku barakaceen, hay'adda UNOCHA ayaa wadda qiimeyn ku aaddan xajmiga barakacayaasha inta uu la egyahay iyo sidii ay uga faa'iideysteen mashaariicdii hore ee loo keenay, iyo weliba sida ay usoo gaartay.

KEYDMEDIA ONLINE

Commenting is not available in this channel entry.