Wasiir Fowsiya oo sheegtay inay sii kordhayaan Kiisaska Covid-19

Dad gaaraya 4 qof ayaa mudo 24 saac gudahooda ugu geeriyoodey gudaha Soomaaliya, oo xanuunka uu kusoo laba kacleeyay.

Warar Keydmedia Online
Wasiir Fowsiya oo sheegtay inay sii kordhayaan Kiisaska Covid-19

MUQDISHO, Soomaaliya - Wasiirka Caafimaadka Soomaaliya Fowsiya Abikar ayaa sheegtay inay sii kordhayaan kiisaska Covid-19 kadib markii uu soo laba-kacleeyay xanuunka.

Qoraal kasoo baxay xafiiska Fowsiya ayaa lagu sheegay in 24-kii saac ee lasoo dhaafay ay afar qof ugu geeriyoodeen Muqdisho [3] iyo Puntland [1], iyadoo laga helay Virus-ka 64 qof.

Meelaha laga helay:

1 - Banadir: 35
2 - Puntland: 23
3 - Somaliland: 3
4 - Galmudug: 3

Wadarta Guud ee dadka uu cudurka ku dilay Soomaaliya tan iyo 2020 waxay gaartay 832, iyadoo ay ku bogsadeen 7,661. Tiradan waa inta diiwaangelinta lagu sameeyay, waxaa jira dad badan oo Wasaaradda ka warqabin oo guryahooda ugu dhintay caabuqa.

Ma jirto tallaabooyin ay dowladda qaadey si looga hortaga faafista Cudurka, iyadoo dadka ay diideen qaadashadda Talaalka Covid-19, taasoo ay u sababtay wacyigelin la'aanta.

Dadweynaha si caadi ah ayay u nool yihiin, lama xirto Facemask, mana lakala fogaado marka meel la isagu yimaado, waxayna arintan kordhisay kiisaska la diiwaangeliyo maalin walba.

KEYDMEDIA ONLINE

Commenting is not available in this channel entry.
Warar 20 September 2021 18:56

Khabiir amni ayaa ku doodaya in loo baahan yahay in la furo baariska dilkii Injineer Yariisow, si xal loogu helo, xaaladda cakiran ee la xariirta baarista kiiska Ikraan Tahliil Faarax, iyo saraakisha kale ee NISA.