Weerarkii Elite hotel oo lasoo afjaray

Waxay ku qaadatey Ciidamada dowladda inay kusoo afjaraan weerarka mudo 4 saac ka badan, iyagoo toogtay dhamaan dableyda katirsan Al-Shabaab.

Warar Keydmedia Online
Weerarkii Elite hotel oo lasoo afjaray

MUQDISHO, Soomaaliya - Waxaa caawa saacaddu markay ahayd 10:00 p.m. [Afar saac oo habeenimo] lasoo afjaray weerar xoogan oo ka dhacay hotel-ka Elite oo ku yaalla Xeebta Liido, ee magaaladda Muqdisho.

Mas'uul katirsan Wasaaradda Warfaafinta, ayaa u xaqiijiyay Keydmedia Online in la dilay dhamaan kuwii ku jiray gudaha, oo lagu qiyaasay 4 illaa 5, waxaana tirakoob lagu hayaa tirada dadkii dhintay iyo kuwa dhaawaca ah.

Waxaa dadka dhintay ku jira Agaasimihii xiriirka gobollada ee Wasaaradda Warfaafinta C/risaaq Cabdi, oo goobta ku sugnaa, iyadoo dadka lasoo badbaadiyay uu kamid yahay milkiilaha hotel-ka Cabdullaahi Maxamed Nuur, oo Baarlamanka katirsan.

Kooxda Al-Shabaab ayaa sheegatay mas'uuliyadda weerarka, oo kusoo beegmaya xili dalka uu ku jiro marxlad kala guur ah, oo Madaxdii qaranka ku mashquuleen arrimaha doorashooyinka, iyagoo dayacay amniga.

KEYDMEDIA ONLINE

    Commenting is not available in this channel entry.
    Warar 14 September 2020 23:49

    Keydmedia Online ayaa waxaa soo gaartay nuxurka Shirka Muqdisho ee Dowladda Federaalka iyo Madaxda Maamul Goboleedyada oo goor dhawayd lagu soo kala dareeray maalinkii Labaad.