Ahmiyadda Doorashada dadban ee 2021 oo hoos loo dhigay

Waxaan rajeynaya in DG iyo mucaaradka ku go'aan qaadan doonan isbeddelka Maamulka doorashada 2021 ee RW Roble ku dhaqaaqay.

Warar Keydmedia Online
13 January 2021

Markaan akhriyay qoraalka Rooble ku magacaabay Wasiiru Dowlaha Xafiiska Ra'iisul Wasaaraha, waxaan ii soo baxday in hoos loo dhigay ahmiyadda doorashada dadban 2021 oo ahaa heshiis siyaasadeed ee dhexmaray DF iyo DG, oo mucaaradka iyo tartamayaasha kale aqbaleen.

Waxaa kaloo qoraalka laga garan karaa in beesha caalamka oo laga sugaya bixinta kharaj gaaraya 37 milyan doolar la bahdilay. Wasiir dowlaha Wasaaradda Arrimaha Dibedda ayaa beesha caalamka u fasira, ka dhaadhiciya, kala dooda arrimaha doorashada 2021. 

Waxaa kaloo muuqata in xiriirka DG ee doorashada hoos loo dhigay oo Madaxweynaha iyo RW rabaan inay daaha gadaashiida ka maamulaan.Waxaa kaloo laga garan kara in Wasiirka Wasaaradda Arrimaha Gudaha, dib u heshiinta, iyo federaalka laga qaaday kaalinta hormudka ah ee ay ku laheyd hirgelinta doorashada 2021.

Xil iska wareejinta RW Roble waxay muujineysa in doorashada 2021 weji cusub qaadatay. Xilka koowaad ee RW Roble wuxuu ahaa hirgelinta doorashada 2021. Haseyeeshe arrintaas waxaa ku dhacay Isbeddel shaki badan abuuraya.

Waxaan rajeynaya in DG iyo mucaaradka ku go'aan qaadan doonan isbeddelka Maamulka doorashada 2021 ee RW Roble ku dhaqaaqay.

Dr. CULUSOW