Dagaal ka dhacay Laascaanood iyo Wararkii ugu dambeeyay

Dagaalka ayaa ka dhacay Koonfurta magaaladda, waxaana labada dhinac isku adeegsadeen hubka culus, oo dadka huradada u diiday, iyadoo Saakay laga barakacay xaafadihii lagu dagaalamay.

Warar Keydmedia Online
5 January 2023

LAASCAANOOD, Soomaaliya - Magaaladda  Laascaanood waxaa habeenkii 3aad ka dhacay xalay dagaal fool-ka-fool ah, oo u dhaxeeyay Ciidamada Maamulka Somaliland iyo malleeshiyo beeleed.

Dagaalka ayaa ka dhacay Koonfurta magaaladda, waxaana labada dhinac isku adeegsadeen hubka culus, oo dadka huradada u diiday, iyadoo Saakay laga barakacay xaafadihii lagu dagaalamay.

Dhowr qof ayaa ku dhawaacay, kuwaasoo ahaa shacab rasaasta ugu tagtay guryahooda, iyadoo Saraakiisha Somaliland ay sheegeen in Ciidankooda ay ku jiraan difaac, si ay uga hortagaan duulaan Puntland qorsheynayso.

Dad badan ayaa ka cararay magaaladda Laascaanood tan iyo markii banaanbaxyada ay billowdeen Todobaadkii hore, waxaana jirta cabsi mar kasta, taasoo ku saabsan in dagaal weyn uu ka dhaca, kaasoo keeni kara khasaaro burbur iyo dhimasho.

Dadka degaanka oo hubka qaatay ayaa la sheegay inay weeraro joogto ah habeen walba kusoo qaadaan Ciidanka Somaliland, oo laga diiday joogitaankooda Laascaanood, kadib markii dilal iyo xadgudubyo kale geysteen.

Laascaanood hadda waxay noqotay magaalo xiisad ka taagan tahay, oo maalin iyo habeen kasta dad lagu dilo, iyadoo ganacsi uu xiran yahay intiisa badan. Puntland iyo Somaliland ayaa magaaladda ku loolamayan maamulkeeda.

KEYDMEDIA ONLINE