KEYDMEDIA ONLINE DIB U HABEYN BAA KU SOCOTA
Kooxda Al-Shabaab ayaa isaga baxday Tuulooyin badan oo gobolka Hiiraan ku yaalla, halkaasoo uu ka socdo dagaal ay ka qeyb qaadanayaan dadka degaanka.
MUQDISHO, Soomaaliya - Ciidanka dowladda Soomaaliya oo kaashanaya dadka degaanka ayaa Maanta si nabad ah kula wareegay degaanka Xawaadley oo ku dhaw degmada Balcad, ee gobolka Sh/Dhexe.
Tani ayaa ahayd mid lama filaan ah inay Al-Shabaab si dagaal la'aan ah gacanteeda uga baxdo magaaladdan muhiim u ahayd isku xirka howlgalladeeda gobollada Shabeellaha Dhexe iyo Hiiraan.
Degaanka Xawaadley hadda wuxuu ku biiray goobaha la xoreeyay, iyadoo dadka degaanka ay sheegeen in Ciidanka dowladda ay fariismo ka sameysteen gudaha iyo dibadda, si ay u adkeeyaan amniga iyo xalisoonida.
Degmada waxay leedahay buundo isku xirta Gobolada Dhexe iyo kuwa Koonfurta, gaar ahaan Shabeellaha Dhexe, taasi oo kooxda ay mari jireen dagaalyahanada iyo sahayd loo qaado dagaalka Hiiraan, sida uu sheegay Korneyl Abuukar Boonow, oo kamid ah Militeriga Soomaaliya.
Dowladda Soomaaliya ayaa guulo ka gaartey dagaalka socda gobollada Dhexe, kaasoo ah fursad weyn oo Xasan Sheekh dowladiisa heshay, taasoo u baahan in si ximad leh loo maareeyo.
Al-Shabaab ayaa dareentay guluf dhinac walba ah, iyadoo dowladda billowday inay dhanka dhaqaalaha ka go'doomiso, oo ganacstada ku amarto inaysan bixin Canshuurta ay siin jireen Kooxda.
KEYDMEDIA ONLINE
Add comment
Comments
There are no comments for this entry yet.