KEYDMEDIA ONLINE DIB U HABEYN BAA KU SOCOTA
Al-Shabaab ayaa ugaarsi ku haysa Nabadoonada, Ganacsatada, Aqoonyahanada iyo Waxgaradka kasoo jeeda Beesha Reer Xaaji Saleebaan, ee degta degmada Cadaado.
CADAADO, Soomaaliya - Waxaa Maanta Muqdisho lagu dilay Labo Nin oo Shacab ahaa, kuwaasoo ku shaqeysan jiray Gaadiidka Xamuulka ee isaga kala Goosha Muqdisho iyo Gobollada Dhexe.
Dilka waxa uu ka dhacay nawaaxiga Masjidka Cali Xareed, oo ku dhaw Isgoyska Baar Ubax, waxaana dableyda ku hubeysan Bastoolad ay ku beegsadeen Cabdi Seytuun iyo Kowte Faarax.
Labada la dilay waxay kasoo jeedaa Beesha reer Xaaji Saleebaan, oo degta magaaladda Cadaado, taasoo dadkeeda mudooyinkii dambe lagu beegsanayay magaaladda Muqdisho.
Al-Shabaab ayaa ugaarsi ku haysa Nabadoonada, Ganacsatada, Aqoonyahanada iyo Waxgaradka kasoo jeeda Beesha Reer Xaaji Saleebaan, ee degta degmada Cadaado.
Sababta ayaa ah in Beesha khasaaro xoogan ku gaarsiisay Al-Shabaab degaanka Baxdo, halkaasoo maalin kaliya lagu dilay 70 in ka badan oo dagaalyahanno kamid ahaa Kooxda.
Waxay u muuqataa inay Al-Shabaab dilalka beegsi ay ku doonayso inay cadaadis ku saarto Beesha, si ay u joojiso dagaalka ay kula jirto, ugana baxdo degaanka Baxdo, oo ku dhaw Cadaado.
KEYDMEDIA ONLINE
Add comment
Comments
There are no comments for this entry yet.