Al-Shabaab oo qaraxyo ku burburisay Ceelal-biyood

Ceelalashan ayaana muhiim u ahaa shacabka reer guuraaga ah ee dagan deegaanka iyo tuulooyinka ku dhow magaaladda Gaalkacyo, ee xarunta gobolka Mudug.

Warar Keydmedia Online
6 January 2021

GAALKACYO, Soomaaliya - Al-Shabaab ayaa xalay waqti dambe qaraxyo ku burburisay Ceelal-biyood dadka biyaha ka cabi jireen, oo ku yaalla duuleedka degaanka Bacaadweyn.

Ceelalashan ayaana muhiim u ahaa shacabka reer guuraaga ah ee dagan deegaanka iyo tuulooyinka ku dhow magaaladda Gaalkacyo, ee xarunta gobolka Mudug.

Kooxda Al- Shabaab ayaa bilihii dambe xoojisay weerarada gobolka, si ay dadka shacabka ah u baqdin galiso, dhamaadki sanadkii hore ayay ahayd marki dagaal xoogan kula galeen dadka shacabka ah ee deegaanka Bacaadweyn.

Ma jirto wax war ah oo kasoo baxay Maamulka Gobolka iyo kan deegaanka oo ku aadan Ceelasha la burburiyay, oo sababay inay dad badan waayaan biyo ay cabaan.

KEYDMEDIA ONLINE