Al-Shabaab oo Weerar culus ku qaaday Ciidamada Kenya

Al-Shabaab ayaa kordhisay weerarada ay ka geysaneyso gudaha dalka Kenya tan iyo wixii ka dambeeyay sanadkii 2011 oo ay cCidamada Kenya gudaha Soomaaliya soo galeen.

Warar Keydmedia Online
24 July 2020

MUQDISHO, Soomaaliya – Wararka laga helayo deegaanka Yuumbis oo hoostaga degmada Gaarisa ayaa sheegaya in dagaalyahano ka tirsan Al-Shabaab ay xalay weerar culusu ku qaadeen saldhig ay ku suganyihiin Ciidamada Milaterig dalka Kenya.

Dagaalka ayaa la sheegayaa in uu ahaa mid xooggan, kaasoo dhaliyay khasaaro isagu jira dhimasho iyo dhaawac, wallow aan tirada rasmiga la ogeyn. Warbaahinta taageerta Al-Shabaab ayaa qortay in dagaalkaas Ciidamada Kenya looga dilay ku dhawaad lix askari, halka tiro intaa ka badanna looga dhaawacay.

Dhinaca kale, dowladda Kenya ilaa iyo hadda war rasmi ah kama soo saarin dagaalkaan ka dhacay Yuumbis.

KEYDMEDIA ONLINE