KEYDMEDIA ONLINE DIB U HABEYN BAA KU SOCOTA
Dadka ku nool Deegaanada Dhamase iyo Ceel Cadde ayaa sheegay in Al-Shabaab ay Bam ku xireen islamrkaana ay Qarax ku burburiyeen dhowr Ceel-Biyood oo ku yaallay Deegaanadaasi oo ay dadka si aad ah ugu tiirsanaayeen.
Joon C/laahi Xasan oo kamid ah saraakiisha ciidamada dowladda ee ku sugan Gobalka Gedo ayaa sheegay in deegaanada Ceelasha Biyaha laga qarxiyay hada aysan ka jirin wax Biyo ah, isagoo tilmaamay in Goobta ugu dhaw ee Biyo laga helo ay tahay meel 60-Km ujirta Deeganadaasi.
Al shabab ayaa sheegay in Ceelasha ay gubeen ay ahaayeen kuwa ay Biyo ka dhaansadaan Ciidaamada Itoobiya iyo kuwa dowlada KMG eek u sugan Gobolka Gedo.
Falkan ayaa si weyn waxa ay Cabsi dhinaca nolosha ah ugu beertay dadka deggan Deegaanada Dhamase iyo Ceel Cadde oo hoos taga magaalada Beled-Xaawo,kuwaasi oo ah dad Beeralay iyo Xoolo dhaqato ah.
Keydmedia.net-Xafiiska Muqdisho
Add comment
Comments
There are no comments for this entry yet.