KEYDMEDIA ONLINE DIB U HABEYN BAA KU SOCOTA
Barnaamijkan ayaa waxa soo qaban qaabiyay mac-had lagu magacaabo ( Society for interculturel research and friendship Center) oo micnaheedu yahay Xarunta Saaxibada iyo Barista Dhaqanka Bulshada waxaana goob joog ahaa qaybaha kala duwan ee waxbarashada dalkan.
Ardayda Soomaaliyeed ayaa cinwaan uga dhigay barnaamijkooda gaarka ah (Dhaqankeygii maguuraanka ee soomaaliya) iyagoo halkaasi kusoo bandhigay qoraalo iyo sawiro sharaxaya taariikhda iyo dhaqanka Soomaaliyeed sidoo kale waxay soo bandhigeen cunada dhaqanka u ah dadka soomaaliyeed sida cajeerada.
Sambuuska iyo burka kuwaasi oo si aad ah uga heleen dadkii goobta lagu casuumay ayagoo ku tilmaamay inuu yahay bandhiga Somalida kii ugu wanaagsana oo ay ka qeyb galaan iyo in ardayda Soomaaliyeed yihiin kuwo siweyn ugu tababaran dhaqankooda maguuraanka ah waxayna carabka ku adkeeyeen masuuliyiintaasi madasha ka hadashay sida ay ugu riyaaqeen dadaalka ardayda Soomaaliyeed oo beryahaan danbe siweyn usoo kobcaya ayna kaga dhexmuuqanayaan ardayda dhigooda ah ee ajaanibta wax kabarata Turkiga.
Ardayda Somaliyeed ee wax ka barata Turkiga ayaa u muuqda kuwa isku duuban oo muujinaya dadaal iyo fircooni tan iyo waxii ka danbeyay sanadii 2009 markaasi oo ay yeesheen mamul mideeya ardayda codkoodana ku hadla iyadoo sanad waliba ay sii kordheyso ardayda wax barashada u imaanaysa halkan iyadoo sanadkaan marki ugu horaysay ay soo gaareen Turkiga tiro arday Somaliyeed oo dhigan doona duqsiyada sare ee dalkaan kadibna la rajaynaayo inay halkaan kasii wataan wax barashadooda ilaa heer jaamacaddeed.
Si kastaba ha ahaate dalka Turkiga ayaa u muuqanaya mid albaabadiisa u furayo ardayda Soomaaliyeed iyadoo dadka soomaaliyeedna ay fahmayaan fursadahan wax barasho dal musl?m ah awood badana ku leh wadamadda carabta ?yo yurubta waxaana bilawday qoysas badan oo caruurtooda halkan wax barasho u keenay halka kuwa kalana ay rajaynayaan inay dhameystiraan shuruudaha looga baahanyahay.
Mahad Mohamud
mahadaani@live.com
Daawo sawiradda:
Add comment
Comments
There are no comments for this entry yet.