Axmed Diiriye: WFP shabaab iyada ayaa ka dhibaata badan

“ WFP alshabaab waa ka darantahay  mana rabto in ay taageerto dadka abaaruhu ay dhibaateeyeen, waxaana loo baahanyahay WFP in ay dadka kaalmeyso ama Dalkeena ay nooga baxdo” sidaa waxaa yiri Axmed Diiriye oo cara ay ka muuqatay lana hadlay warbaahinta Muqdisho.

Diiriye ayaa hadalkiisa sii raacayay habaar kulul oo uu dusha uga tuuray WFP waxaana uu yiri “Haddii aanay gargaarin dadka dhibaateysan WFP meel walba oo ay aduunka ka joogto balaayo ha ugu daba tagto oo musiibo aan la aqoon ha ku dhacdo”.

Dhanka kale waxa uu ku canaantay dowlada KMG ah in ay bixiso raashinka jaamacada carabta  ay ugu deeqday ee ku keedsan dekadda magaalada Muqdisho, si dadka ay u helaan nolal maadaama baahi badana ay qabaan iminka.

Hadalka ka soo baxay Axmed Diiriye ayaa waxa uu ku soo beegmayaa xili dadku ay abaaro u dhimanayaan dowlada iyo hey’adahana ay sheeda ka daawanayaan.

www.keydmedia.net