Shacabka Koonfur Galbeed oo diiday taliska Laftagareen

Dec 19, 2018 doorasho boob ah oo dhiig ku daatay ayay ciidamada Itoobiya Laftagareen ugu caleemo saareen inuu yahay Madaxweynaha Koofur galbeed, waqtigiisii hadda waa dhamaaday, waxaana indhaha lagu hayaa go’aamka ay ka qaadan doonto Dowladda dhexe. 

Warar Keydmedia Online
26 December 2022

MUQDISHO, Soomaaliya – Bannaanbax looga soo hor jeedo in Madaxweynaha waqtigu ka dhamaaday ee Koofur galbeed Cabdicasiis Laftagareen uu maamulkaas ku matalo Shirka Golaha Wadatashiga Qaran ayaa maanta ka socda magaalada Muqdisho.

Bannaan-baxayaasha oo u badan dhallinyaro ayaa isku soo baxay agagaarka KM4, waxayna si weyn u muujiyeen dareenkooda ku aaddan in aan  la aqbali karin in Laftagareen oo aan wax sharciyad ah heysan uu qeyb ka noqdo shir looga hadlayo masiirka guud ee dalka.

Sidoo kale mudaharaadayaashu waxa ay Madaxweyne Xasan Sheekh ka codsadeen in Laftagareen laga hor istaago inuu dib ugu laabto magaalada Baydhabo, maadaama uu dhawaan halkaas ku laayay qaar ka mid ah ilaalada musharrax Farkeeti.

Dec 19, 2018 doorasho boob ah oo dhiig ku daatay ayay ciidamada Itoobiya Laftagareen ugu caleemo saareen inuu yahay Madaxweynaha Koofur galbeed, waqtigiisii hadda waa dhamaaday, waxaana indhaha lagu hayaa go’aamka ay ka qaadan doonto Dowladda dhexe. 

Dhanka kale, Kala firxad iyo shaqo ka tagis, eedo warbaahinta la isku marsiiyo iyo guux siyaasadeed oo xooggan ayaa ka dhex billowday Golaha Wasiirrada maamulka Koofur galbeed kadib dagaalkii jimcihii ka dhacay magaalada Baydhabo.

Dhawaab Wasiirka Warfaafinta KGS Ilyaas Cali Nuur ayaa ku dhawaaqay in uu isaga tagay shaqadii uu u hayay maamulka waqtigu ka dhamaaday ee uu hoggaamiyo Cabdicasiis Laftagareen, wuxuuna is casilaaddiisa u aaneeyay xiisadda ka aloosan Baydhabo.

KEYDMEDIA ONLINE