KEYDMEDIA ONLINE DIB U HABEYN BAA KU SOCOTA
Qaaliyaasha qayladhaan qaaday baa i qanciyaay*
Qaadir ha noo daayste waa koox la quuri karin*
Qalad ma qaataano qarankay ilaaliyaan*
Qalinka waxay u qaataan cidii qariban*
Qalqiga soomaaliyed kii damiir qabaa*
Qalbigooda kama harayso qaraarki dhacay*
Qaaliyaal aan la huriin oo bulshada hagaan*
Qasaaradi aan ku weeynan qisaynayaa*
Qamaryo Waayeel qarixii wad looga dhigay*
Qaaligi Cadow Cadaaladiisi lagu calfaniin*
Qaliinka ditooradii qaabilsana qarshey*
Qarankii sporti-gina ka qalay Colaad*
Qalinka dhalintii ku baasto Qasaara dhigay*
Qaybihii saxaafadiyo qof wax gala hanbayn*
Qaymaha dadkii lahaa baa qabuur ku galay*
Qarniya la xasuusan doona qaracanka dhacay*
Qibrada cadowgan lahayno dalka qabsaday*
Qarow ku nool weeye qarankeena ridimayaan*
Qalaalaasihii sokeeyuu kusoo Qaldamay*
Qisooyinkii nagu dhacaan qaar ka sheegayaa*
Qaraabo la kala qo,qobay baa qabiil la yiri*
Qoriga laayskugu cabeeyo is wada qaleen*
Qarankii dumay iyo qasaaroyinkii dheceen*
Qayri kama dhalan qaliiil baa la taagan yahay*
Qaadirow naga saar qaloocaan dhamaadka qabin*
Qayrka lagu wada midoobo qilaafku haro*
Qaymaha nabadana dadkeygu dhabtii u fahmaan*
Qaranka loo wada adeego Qabiilku haro*
W/Q: Sucaad.
Add comment
Comments
There are no comments for this entry yet.