Biyo la’aan ka jirta Gobolka Galgaduud

Balanbal(KON)-Sida ay Keydmedia online u sheegeen Dadka Magaalada Balanbal ee Gobolka Galgaduud ayaa sheegaya in Biyo la’aan ay soo foodsaarday Dadka ku nool Deegaankaasi iyo tuulooyinka hoostaga.

Warar Keydmedia Online
4 September 2014

Fuustada Biyahaa ayaa la sheegay in Qiimo ahaan ay gaartay 200 oo Kun oo Shilinka Soomaaligaa islamarkaana aysan Dadka qaar awoodin in ay iibsadaan.

Gudoomiyaha Magaalada Balanbal Hareeri Xasan Barre oo Keydmedia online la hadlay ayaa sheegay in Mudo 2 Bilood ah ay Deegaanka ka jirto Biyo yaridaasi,taas oo hada Saameyn weyn yeelatay.

Hareeri Xasan Barre ayaa Dowladda iyo Hay’addaha Gargaarka ka dalbaday in Dadkaasi dhibaateeysan loo gurmado oo Gargaar la gaarsiiyo.

Gobolka Galgaduud ayaa waxaa ka jira Abaaro iyo Colaado isbiirsaday,kuwaas oo saameeyay Dadka ku nool Gobolka.

Waxaana meelaha qaar Gobolka laga soo sheegayaa in Xoolaha ku nool ay Abaaro iyo Biyo la’aan u geeriyoodeen.

Keydmedia online – Xafiiska Muqdisho