Booliska Galmudug oo qabtay eedeysane

MUQDISHO, Soomaaliya - Ciidanka booliska Amniga Galmudug ayaa xalay abaaro saqdii dhexe ku guulaystay In ay gacanta ku soo dhigaan eedeeysane Maxamed Ibrahim Cismaan, 24 jir, kaasoo ku dhuumaalaysanayay guri ku yaal magaalada Cadaado.

Maxamed Ibraahim ayaa lagu tuhmaayaa inuu ku lug lahaa kiiska Xamdi Maxamed Faarax, oo 19 Jir aheyd oo Dil iyo Kufsi loogu geystay magaalada Muqdisho, kadibna dabaq laga soo tuuray.

Taliska Booliska Muqdisho ayaa Shalay War qoraalka soo saarey lagu sheegay inay xabsiga ku jiraan oo su'aallo la waydiinayo 11 ruux oo loo xiray kiiska baarista falkii lfoosha xumaa ee loo geystay Xamdi, oo ahayd gabar 19 jir ah oo sanadkaan dhameysay waxbarashadda Dugsiga Sare.

Xamdi ayaa dhalinyaro ku shirqooshay hotel-ka Marwo oo ku yaalla Xaafadda Maajo ee degmada Waaberi habeenkii Jimcaha ee lasoo dhaafay, waxayna kula kaceen kufsi iyagoo kadibna kasoo tuuray dabaqa.

KEYDMEDIA ONLINE