Boosaaso: dabka kacay xera barakacayaal

Dabka ayaa la sheegay inuu kacay 11:30 barqanimo ee maanta waxaana  xerada uu dabku  qabsaday  lagu magacaabaa Kam Shabelle,  dadka degan xeradaasi waxa ay ahaayeen kuwa ka barakacay dagaala ka socda koonfurta iyo bartamaha Dalka iyo sidoo kale Kilinka shanaad ee dhulka ismaamulka Soomaalida ee itoobiya.

Waxaa la sheegay dabku inuu ka dhashay haraadiga sigaar lagu tuuray kaamka waxaana ku burburay in ka badan 50 Guri oo ay daganaayeen dad danyar ah oo qaarkood nolashooda ay aad u liidato.

Todobaad ka  hor sidan oo kale dab ka kacay xera kale oo lagu Magcaabo buula eelaay ayaa waxa ku bas beelay gurya badan oo ay ku noolaayeen dad maras ah oo nolashooduna ay tahay mid ciriiri ah

Madaale Keydmedia Muqdisho- Somalia