KEYDMEDIA ONLINE DIB U HABEYN BAA KU SOCOTA
Ciidamada Dowladda Soomaaliya iyo kuwa Itoobiya ayaa Degmada Buurdhuubo Al-shabaab kala wareegay sida uu Keydmedia online u Xaqiijiyey Diyaad Cabdi Kaliil oo ka tirsan Saraakiisha Ciidamada Dowladda Soomaaliya ee Gobolka Gedo.
Diyaad Cabdi ayaa sheegay in Ciidamada Dowladda iyo kuwa AMISOM ay hada si buuxda u maamulaan Degmada Buurdhuubo oo Al-shabaab ay ka Baxeen Degmada.
Sargaalka ayaa intaa ku daray in Duleedka Magaalada Buurdhuubo ee Gobolka Gedo Ciidmada Dowladda iyo Al-shabaab ay ku dagaalameen,waxaana uu Xusay in uu san jirin wax Khasaaro ah oo Ciidamada Dowladda Soomaaliya soo gaaray.
Goobjoogeyaal ayaa sidoo kale noo sheegay Ciidamada Itoobiya ay Degmada Duqeeyeen inta aysan soo galin,aydoona Dadkii ku noolaa Degmada ay ka barakaceen.
Ciidamada Dowladda Soomaaliya iyo kuwa Itoobiya ayaa Maalmahaan Gobolada Baay,Bakool iyo Gedo ka waday dagaal ka dhan ah Al-shabaab,ayagoona la wareegay Degmooyin ka tirsan Goboladaasi.
Keydmedia online - xafiiska Muqdisho
Add comment
Comments
There are no comments for this entry yet.