KEYDMEDIA ONLINE DIB U HABEYN BAA KU SOCOTA
Maalmihii lasoo dhaafay, degmada Matabaan ayaa Maamulkeeda la isku hayay cida ay hoostagayso, Hirshabeelle ama Galmudug.
GAALKACYO, Soomaaliya - Malleeshiyo beeleed ku sugan duuleedka degmada Matabaan, oo katirsan Gobolka Hiiraan, ayaa sii daayay dad rayad ah oo safar ahaa, oo maalmo kahor ay af-duubteen.
Dadkan oo gaaraya 5 qof ayaa laga degsaday Gaari ay saarnaayeen oo ka yimid degmada Guriceel, gobolka Galgaduud, kuna wajahnaa magaaladda Muqdisho.
Malleeshiyada ayaa dalbatay in la siiyo magta nin hore looga dilay, oo gaaraysa $40,000, taasoo odayaasha labada dhinac ay wadahadal ka yeesheen, kadibna la isku raacay in dadka afduuban marka hore lasii daayo kadibna lacaga la bixiyo.
Falalka la xiriira aanooyinka, ayaa kusoo kordhayay mudooyinkii dambe Gobollada Dhexe, iyadoo dhowr degaan ay ka taagan yihiin Colaad sababay dhimasho, dhaawac iyo barakac.
Maalmihii lasoo dhaafay, Matabaan ayaa Maamulkeeda la isku hayay cida ay hoostagayso Hirshabeelle ama Galmudug, waxaana ka dhacay dhowr jeer dagaallo dad ay ku dhinteen.
KEYDMEDIA ONLINE
Add comment
Comments
There are no comments for this entry yet.