Dagaal khasaaro sababay oo ka dhacay Baled Xaawo

Dagaalka uu bilowday galinkii danbe ee shalay ayaa soo gaaray ilaa saq dhex oo xalay ah, waxaana mudadii dagaalka uu sacday dhinacyada dagaalamay isku badaleyn gacan ku heyta magaalada.

Saraakiil ka kala tirsan ciidamada dowladda iyo ahlu sunna oo is biirsanaya iyo xoogaga mucaaradka ayaa kala sheegtay guulo ay gaareen iyo jab xoog leh oo ay gaarsiiyeen dhanka kale.

Dhanka kale warar madax banaan oo aan helnay ayaa sheegaya in qiyaastii 10 ruux oo shacab ah ay ku geeriyoodeen dagaalada labada dhan u dhaxeeya isla markaana ay ku dhaawacmeen kuwa kaloo badan.

Shacabka deegaanka qaarkood oo cabsi badan ay ka muuqato ayaa sheegaya in magaalada iminka gudaheeda ay ku sugan yihiin ciidamada dowladda halka xoogaga mucaaradkana ay ku sugan yihiin daafaha magaalada.

Degmada baled xaawo oo ah mid aad u yar ayaa waxaa mudo ku dhaw asbuuc ka taagan dhiila colaadeed oo aanay cidina ku gacan sareyn isla markaana laga dhaxlayo qasaaro shacabka soo gaara.

 www.keydmedia.net