KEYDMEDIA ONLINE DIB U HABEYN BAA KU SOCOTA
Lama oga inta maalmood ay qaadan doonto in la xaliyo internet la'aanta ka jirta Koonfurta Soomaaliya, laakiin dadka ganacsatada ayaa sheegay inay isticmaalayaan mid diish ah, oo aad u lacag badan, haddana culeys ah.
MUQDISHO, Soomaaliya - Sii hayaha Wasiirka Tiknoolijiyadda Soomaaliya Eng Cabdi Canshuur ayaa ka hadlay sababta keentay ciladda Internet-ka Fiber Optic , oo maanta ka go'an Koonfurta iyo bartamaha dalka.
Qoraal uu soo saarey Wasiirka ayuu ku sheegay in shaqo ka bilaabay Xarrig cusub oo Internet-ka DARE1 (Djibouti Africa Regional Express 1) oo noqonaya kii labaad oo Muqdisho la keenay, iyadoo dhanka badda lasoo marsiiyay.
"Kooxda farsamada ee la socota markabkan ayaa waxa ay howshooda ku soo gebogabeyn doonaan muddo kooban, taas oo aan ka warhayno in ay cirriiri gelin doonto isticmaalka Internet-ka ee xarriggaas mudadaas kooban," ayuu yiri Canshuur.
Waxuu xusay in xeebta Muqdisho uu soo gaarey oo howl ka bilaabay Markabkii xalin lahaa cilladdii hore ee ku dhacday xariggii 1-aad ee Internet-ka ee Eastern Africa Submarine Cable System (EASSy) ee Shirkadda DALKOM.
Malaayiin dollar ayay ganacsatadu sheegeen inay ku khasaarayaan marka uu ka maqan yahay Internet-ka, kaasoo la jaro marka siyaasaddu kacsan tahay.
KEYDMEDIA ONLINE
Add comment
Comments
There are no comments for this entry yet.