Dilalka Saraakiisha oo kusoo kordhay Beledweyne

17-kii bishii February ee lasoo dhaafey, Ciidanka Haramcad ayaa ku dilay Saldhiga Beledweyne Taliyihii Booliska Baledweyne Maxamed Xuseen Maxamuud (Duurdage) xili uu socday Iska hor-imaad.

Warar Keydmedia Online
5 March 2022

BELEDWEYNE, Soomaaliya - Waxaa Xalay lagu dilay Xaafadda Howlwadaag ee magaaladda Beledweyne Laba Xidigle Axmed Xasan Biriq, oo kamid ahaa Saraakiisha booliska M/HirShabeelle.

Labo dhalinyaro ah, oo bastoolado ku hubeysan ayaa lagu soo waramayaa inay dileen Sarkaalka, kuwaasoo markii dambe Ciidanka ay toogasho ku dileen xili ay isku dayayeen inay baxsadaan.

Tan iyo markii Guudlaawe uu tagey magaaladda bishii hore, waxaa Beledweyne kusoo badanayay dilalka qorsheysan ee ka dhan ah Saraakiisha iyo Odayaasha dhaqanka xili doorasho socoto.

17-kii bishii February ee lasoo dhaafey, Ciidanka Haramcad ayaa ku dilay Saldhiga Beledweyne Taliyihii Booliska Baledweyne Maxamed Xuseen Maxamuud (Duurdage) xili uu socday Iska hor-imaad.

Dilalka ayaa la sheegay inay isagu jiraan kuwa Al-Shabaab fuliso iyo kuwa siyaasadeysan, maadaama magaaladda colaado badan ka dhaceen, oo qabaa'il aan heshiis ahayna ku hubeysan yihiin.

KEYDMEDIA ONLINE