KEYDMEDIA ONLINE DIB U HABEYN BAA KU SOCOTA
Waxaa Maanta warmurtiyeed laga soo saarey shirweynaha gunaanadka Siyaasadda Qaran ee Maareynta Khataraha Musiibooyinka iyo Istiraatiijiyadda Qaran ee Gargaarka.
MUQDISHO, Soomaaliya - Magaalada Muqdisho waxaa lagu soo gaba-gabeeyay Shirweynaha Siyaasadda Qaran ee Maareynta Khataraha Musiibooyinka iyo Istiraatiijiyadda Qaran ee Gargaarka oo ay kasoo qeybgaleen Wasiirada Gargaarka dowlad Goboboleedyada dalka.
Shirkaan oo socday muddo shan maalmood ah ayaa waxaa looga hadlay gunaanadka siyaasadda Qaran ee Maareynta khataraha Musiibooyinka iyo Istaraatiijiyada Gargaarka, waxaan sigaar ah diirada loogu saaray isku duwidda iyo Maareynta Musiibooyinka.
War-saxaafadeed kasoo baxay Shirka ayaa lagu sheegay in Wasiirka Gargaarka Dowladda iyo kuwa maamul Goboleedyada ay heshiis ku gaareen xoojinta wadashaqeynta ka dhexeeysa Wasaaraddaha ee Arrimaha Gargaarka.
Sidoo kale, Wasiiradda ka qeyb galay Shirka ayaa dhammaan hay'addaha Caalamiga ah iyo gaarka ah ee ka shaqeeya Arrimaha Gargaarka Bani'aadannimo ka dalbaday inay la socdaan howlaha Gargaarka ay dalka ka wadaan Dowladda, maamul Goboleedyada iyo Gobolka Banaadir.
Ugu dambeyn, Mas'uuliyiinta ka qeyb galay Shirka lagu qabtay Muqdisho ayaa isku raacay in la saameyo Madasha Qaran ee Maareynta khataraha Musiibooyinka Arrimaha bani'aadannimo iyo Gurmadka Deg-deg ah.
Hoos ka Akhriso War-murtiyeedka laga soo saaray Shirweynaha Qaran.
KEYDMEDIA ONLINE
Add comment
Comments
There are no comments for this entry yet.