KEYDMEDIA ONLINE DIB U HABEYN BAA KU SOCOTA
Al-Shabaab ayaa wajahaysa guul-darro isdaba joog ah oo kala kulantay dagaalka dalka ka socda, kaasoo dowladda kula wareegtay degaanno badan.
MUQDISHO, Soomaaliya - Wasaaradda Warfaafinta Soomaaliya ayaa shaacisay in Ciidanka Qaranka oo garab ka helaya Saaxibadda Caalamiga ay dileen hogaamiye sare oo Al-Shabaab katirsan.
Yuusuf Maxamed Jingaab oo loo yaqaaney Wasiirka ayaa ku dhintay howlgal 15-kii bishan ka dhacay Tuuladda Juxaay, oo ku taalla duleedka degmada Aadan Yabaal, gobolka Shabeellaha Dhexe.
Ciidanka Nabad Sugidda iyo Sirdoonka Qaranka ayaa xaqiijiyay geerida Yuusuf Maxamad Jingaab (Wasiir) oo ahaa horjooge sare oo ka tirsanaa Al-Shabaab kaas oo halis wayn ku ahaa badqabka shacabka Soomaaliyeed.”
Dowladda waxay sidoo kale sheegtay in 87 xubnood oo kale ay ku dhinteen howlgalka Juxaay, iyadoo aan jirin illaa hadda warar madax-banaan oo xaqiijinaya sheegashadda dowladda Soomaaliya.
Gobolka Shabeellaha Dhexe waxaa mudooyinkii dambe booqanayay madaxda sare ee Ciidanka iyo dowladda, oo ay kamid yihiin MW Xasan Sheekh iyo Ra'iisul Wasaare Xamza Cabdi Barre.
KEYDMEDIA ONLINE
Add comment
Comments
There are no comments for this entry yet.